On coeûr tot spiyi | ||
|
Dj'a r'clapè nosse finièsse : Lès faubites ni tchanteront pus ! Dins l' maujone qui soketéye O mitan do mwès d' maîy' Lèyans braîre li djon.nèsse D'one bauchèle qu'a crèchu. | ||
|
V'là-t-i nin cor one eûre Qu' èle riyeûve come one sote R' montant sès blankès tchausses Èt balançant s' rodje cote Divant d'alè binauje S' pormwinrnè dins lès fleûrs. | ||
|
Quatôze ans : ièsse ètîre, Si prustè sins manôye. Por on coeûr mèsbridji, Por on coeûr tot spiyi Avou m' linwe, què va-dj' dîre : Èle vint d' piède tote si djôye ! | ||
|
Qui t' seûyes maîsse ou ovrî I n' sièv' à rin t' mèstî Quand c'èst qu' ti n' comprinds pus Ti bauchèle qu'a crèchu. | ||
| © Georges Puissant. nôvimbe 1978 | ||
|
Retour au menu : Textes wallons Retour au menu : Pages personnelles |