L' vîye grègne | ||
|
Asto do l' maujone di m' pârin S'aspouye one dès vîyès grègnes Qui sièv'nut aus èfants d' batia Ou d' dirijâbe, min.me di tchèstia. Hector, munusier à d'vantrin I faît d' tot, afîye dès essègnes. | ||
|
Aus meurs pindenut one masse d'ostèyes, Po lès-awè faut ièsse pus grand. Quand on saye do gripè su l' banc Là one bèrlafe su lès orèyes! On s' va catchi didins l' cina Po qu'i n' veûye nin qu'on-èst co là. | ||
|
Mins lès bèrbis riwaît'nut d' crèsse D' nos sinte coûtchi pa d'zeûs leûs tièsses Su l' bèrôdî qui blonce brâmint. D'meurè véci ? Li foûre picote : Nos n'avans qu' dès coûtès culotes. | ||
|
À r'mète nosse djeu! Là l' nêt qui vint. On sint l' cruweû potchant do prè Qui faît crîyi l' oulote do bwès. | ||
| © Georges Puissant. 1978 | ||
|
Retour au menu : Textes wallons Retour au menu : Pages personnelles |