Poqwè adon ? | ||
|
On vout gangni lès caurs à l' chipe Mins on 'nn' èva tot nu sins nipes. Dijoz m' vos-ôtes poqwè adon Qu'on n' laît nin là lès brimborions ? | ||
|
Po p'lu vikè brâmint dès djoûs : Di l'êwe, dès mitches èt do tchirou ! Dijoz m' vos-ôtes poqwè adon On faît todi glètè s' minton ? | ||
|
Lès prix, lès-oneûrs, lès r'compinses : Ci n'èst qu'on-ou dins one grosse cinse ! Dijoz m' vos-ôtes poqwè adon On s' sint mirlitche quand on 'nn'a pont ? | ||
|
Bin sûr, on vikereûve bin su l' têre S'i gn-aveûve pont d' sôdars po l' guêre. Dijoz m' vos-ôtes poqwè adon On rapontîye ostant d' canons ? | ||
|
Ièsse ètur fréres po travayi Ç'èst come on solia qui r'chandit. Dijoz m' vos-ôtes poqwè adon V'la su m' visadje on noû ratchon ? | ||
| © Georges Puissant. 1978 | ||
|
Retour au menu : Textes wallons Retour au menu : Pages personnelles |