Èchone | ||
|
Divant d'alè bawyi Pa d'zeûs tos tchamps payis Qu'i gn-a dès djins puwants Qui faîyenut lès mèchants, Douve tès-ouys su l' tchèstia Qu'on ritche bâtit par là. | ||
|
N'eûye nin peû dès-ovrîs Qu' sèrenut l' pougn po criyi, Po disfinde tès-éfants : Lès leûrs n' sont pus vicants! Is n'avin.n' rin qui l' pia Su one pougnîye d'ouchas. | ||
|
Asteûre, twè, t'as d' l'ovradje, Sûremint do pwin o satch : T'ès l' dêrin payisant Èt ti trimes didins t' tchamp. Mins t'ès come on nièrson Qui dès-autos spotcheront ! | ||
|
Waî ! On t' tchèsse, on t' coboute Po fè one trop laudje route. Ni t' catche nin dins tès meurs Ti sope divêrè seure. Ci n'èst qu' tortos èchone Qu'on pout aurdè s' maujone | ||
| © Georges Puissant. 1978 | ||
|
Retour au menu : Textes wallons Retour au menu : Pages personnelles |