L'ârdwèsse | ||
|
"Ayi, dj'a r'mètu lès pîds o l' fwadje "Mi l' tapeû d'vant. "Ayi, dj'a r'mètu lès pîds o l' fwadje "Asto do banc. | ||
|
"Waîtoz mès vîs-ouys qui tchûlenut "Do r'veûy l'èglume. "Waîtoz mès-vîs-ouys qui tchûlenut "Su m' bia costume. | ||
|
"Waî mès mwins rimplîyes di pièrcets "Pa l's-ètricwèsses. "Waî mès mwins rimplîyes di pièrcets "Gadjes di m' djon.nèsse. | ||
|
"Èwou è-st-i li batch à l'êwe "Di nos fèradjes ? "Èwou è-st-i li batch à l'êwe "Po lès trimpadjes ? | ||
| "Sièvrè t-i co là nosse soflèt ? "Pupont d' manote ! "Sièvrè t-i co là nosse soflèt ? "Ç' n'èst qu'one clicote ! | ||
| "Godome, vèyoz addé l' finièsse, "Come mi, pindûwe au clau, l'ârdwèsse". Sès dwègts tron.nants l'ont dispoûsselé : Trwès rôyes à l' crôye avint d'meuré... | ||
| "Lès mènes, mès dêrènes gotes d'avance ! "Li `Guèc`, vèyoz, mi maîsse-martchau "Èsteûve fwârt bon, mins nin bauyau : "Dins l' paurt do mwès pont d' nèglidjance !" | ||
| © Georges Puissant. 1979 | ||
|
Retour au menu : Textes wallons Retour au menu : Pages personnelles |