Bolète di nîve | ||
|
C'èst mércrèdi, lès p'tits scolîs ! D'tchindoz l' tiène do colêje. Abîye ! | ||
|
Il èst doze eûres, i faut 'nn' alè. On train ratind por nos pa d'zos. Waîtans surtout do n' nin ridè : L' nîve èst pa d'zeûs, l' wârglas pa d'zos. | ||
|
Trwès p'tits-ârsouyes fwârt éfoufyis Avin.n' quéquefîye trop bin rit'nu L' lèçon d'istwêre : Cayans à l' têre Tos lès brigands Qui s' mosturenut Pus bas qu' nos pîds. | ||
|
Tchèyoz bèlikes, tchèyoz tchapias Do tir à l' nîve n'astans lès rwès. Asteûre courans rate, come dès vias : On nos pout veûy èt n's-atrapè ! | ||
|
... | ||
|
Ièsse o colêje por on dîmègne Dins one vîye sâle laudje come one grègne È pûniçion, nos si djintis ?... L' lèçon d'istwêre l'aveûve bin dit : Dimèfioz vos dès rossias tchins Catchîs padrî dès rodjès fusins ! | ||
|
Waye, ça stî l' maîsse qu'a criyi fwârt ! Parèt qu'on-z-a stî dès man.nèts, Parèt qu'on-z-a quausu tuwè ? Min.me dol djoûrnéye lès djins s' catchenut : Lès "brigades blankes" come is dîjenut Ont rodji l' nîve d'one pitite gâre... | ||
|
... | ||
|
Portant choûtoz, Djè l' rifreûve co ! | ||
| © Georges Puissant. décimbe 1979 | ||
|
Retour au menu : Textes wallons Retour au menu : Pages personnelles |