Avou trwès bîres | ||
|
"I gn'a quausu pèrson.ne véci, Vosse cabarèt è-st-èdwârmu !" "I faît paujêre, timps dès condjis, Pacequi, vèyoz, brâmint l' trossenut". | ||
|
Nos n'avans nin grand tchôse à dîre, L' gârçon èva lîre si gazète. Dji d'meûre tot seû d'vant m' vêre di bîre. Li chume sint l' seur come one pome blète. | ||
|
Su one ôte tauve vélà dins l' fond Dj'avise dès dwègts qui toketéyenut, Li bwès rèspond pa one tchanson Qui l' musucyin ridjoûwe, tièstu. | ||
|
Asteûre dins m' tièsse li solia lût, Ètur mès mwins li vêre sone clér. One vîye p'tite feume sins pont fé d' brût Fougne didins s' boûsse plin.ne di misères. | ||
|
L' ci qu' èst d'vant l'uch catchi pa l' cwin Ç'è-st-on soçon. Comint lî dîre ? Min.me si n's-èstans quausu vèjins Qwè pinsereûve-t-i di mès sorîres ? | ||
|
Auwe! Dèdja wîde mi trwèsyin.me chope ! Dji m' vas rotè avau l' martchi Ètur lès djins come one varlope Qui vint, qu'èva, qu'a do plaîji. | ||
| © Georges Puissant. 1979 | ||
|
Retour au menu : Textes wallons Retour au menu : Pages personnelles |