Li vîye c' è-st-insi | ||
|
Méyne-nêt divant l'èglîje, On sint co dès côps d' bîje. One moman vint d' tron.nè, Portant ci n'èst nin d' frèd. | ||
|
Li fièsse di Pauques èst là Mins tot n'èst pus si bia ... One moman vint d' sawè Qui do timps a passè. | ||
|
Li djôye boute dins lès coeûrs Come dès doûcès-odeûrs. One moman s'a d'churè Come on trop tène moqwè. | ||
|
Tos lès djins s'arokenut Po l' passe-rôse qu'is vol'nut. One moman vint d' blanki : C'è-st-à cause di s' djon.ne fi. | ||
|
Po lès fleûrs qu' 'l a achetè Èle sitind dèdjà sès brès ... One moman vint d' rodji Mins c' n'èst pus pa plaîji : V'là l' bouquèt qu' èst lon d' lèye Dins lès mwins d'one djon.ne fèye ... One moman n'a rin dit, Li vîye c'è-st-insi. | ||
| © Georges Puissant. 1979 | ||
|
Retour au menu : Textes wallons Retour au menu : Pages personnelles |