Cint camarâdes | ||
|
Lès compagnîyes di grands flandrins À nwâre moussûre di bwagnes sôdârs Ont riv'nu gueûlè su lès tch'mins ... On-èfant court dissu l' trotwâr. | ||
|
Is vêront rade lès djoûs sins pwin Où ç' qui dès djins 'nn' îront po l' gâre One djane sitwèle su leû d'vantrins ... On-èfant crîye dissu l' trotwâr. | ||
|
Sèrè sès-ouys ... ? Pus wêre li timps ... ! - Sintoz dèdjà dissu vosse cwârps Li frèd coutia qu'on n'arète nin ... ? On-èfant braît dissu l' trotwâr. | ||
|
Li bièsse fachisse pokera dimwin Cint camarâdes dins l's-abatwârs, Dès fleûrs di song ètur leûs dints ... On-ome si clince addé l' trotwâr. | ||
|
Portant, Avou fusik ou plume o l' mwin L' èspwêr crérè dins lès brouliârds Po criyi auwe aus laîds moûfrins ... One feume soufrit dissu l' trotwâr. | ||
|
Cint camarâdes po chaque vaurin !... Li solia lût dins l' fond do nwâr, Ci sèrè l' fièsse, rodje-rôse enfin !... C'èst dèdjà d' trop qu'i gn'eûye on mwârt. | ||
| © Georges Puissant. maîy' 1980 | ||
|
Retour au menu : Textes wallons Retour au menu : Pages personnelles |