Texte 21 : Deure

	Deure
	Vîye, t'ès deure po ... Po totes lès pôvès bièsses, Lès crausses, lès sins coyène, Qui vont fè dol farène Po lès tchins dès comtèsses.
	Vîye, t'ès deure po ... Po lès rins dès-ovrîs Qui montenut nos maujones, Divant qu'on gros l'zî done Leû condji sins payi
	Vîye, t'ès deure po ... Po lès tch'fias qui dj' n'a pus, Qui l' gamin satche dissus, Sins sawè qui lès sèn' N'ont qu' dès tinrès racènes.
	Vîye, t'ès deure po ... Po l' brèyau dins s' moqwè Qu'on racuse do bribè Saqwants minâbes crènès Et qu'on r'waîte di truviès.
	Vîye, t'ès deure po ... Po mès deûs vîs solès Qu'on-z-a cayi o feu. Dj' su portant bin r'plâtrè Mins c'èst mi l' maîsse do djeu.

	© Georges Puissant. 1980