Grossès-êwes | ||
|
à René Painblanc | ||
|
Dj'a baguè m' cauve èt m' coeûr. Su lès près èt les tch'mins, Didins l'aye dès djârdins Moûse clapote doûcètemint. | ||
|
Dj'a baguè m' cauve èt m' coeûr. À n' pus lèvè l' trèyin Èles ni fiyin.n' pupont d' bin, Mès deûs mwins di vaurin. | ||
|
Dj'a baguè m' cauve èt m' coeûr. L' êwe qui tchante su l' pèrèt Tchèrîye tofêr dès bwès. Tos lès brûts ont stofè. | ||
|
Dj'a baguè m' cauve èt m' coeûr. Pa-d'zos tant d' man.nèstès À n' pus sawè r'djètè, Mi djon.nèsse pout crèvè. | ||
|
Dj'a baguè m' cauve, Tot wîdi. Ètur li tas d' tchèrbon Qu' mès-èfants pèstèlenut Come do bia fin sauvlon Èt lès banses qui flotenut Dj'a baguè m' coeûr, Tot r'clèri. Vîyès djins d' nosse payis Vinoz v's-achide véci, Dj'a baguè m' cauve, Dj'a baguè m' coeûr. | ||
| © Georges Puissant. 1980 | ||
|
Retour au menu : Textes wallons Retour au menu : Pages personnelles |