Quate finièsses | ||
|
Quate finièsses Dins on meur, Dès colaus qui volenut, Rûwe tote nwâre, Li brouliârd, Dès djanes fils qui pindenut | ||
|
Quate finièsses Dins on meur, Dès radios qui crîyenut, Vîyes d'ovrîs Là padrî, Ça sint l' sope qu'a trop cût. | ||
|
Quate finièsses Dins on meur, Dès montéyes qui toûnenut, P'titès tchambes, Saqwants lampes, Dol coleûr qui n' tint pus. | ||
|
Quate finièsses Dins on meur, Èt dès-uch qui s' douvenut, Twèles d'aragnes, Volèts bwagnes, Li tchôfadje qui n' done pus. | ||
|
Quate finièsses Dins on meur, Èt dès djins qui montenut, Côps d' tchapia, Linwe qui va, Dès papîs qui tchaîyenut. | ||
|
Quate finièsses Dins on meur, Pîds lèdjêrs qui bukenut, One bauchèle, Laume di stwèle, Deûs sorîres tot strindus. | ||
|
D'zos l' finièsse Conte li meur, Djon.nès mwins qui s' tègnenut, Bètchi, bètcha, Coeûr qui bat, One maujone qui n' braît pus. | ||
| © Georges Puissant. décimbe 1981 | ||
|
Retour au menu : Textes wallons Retour au menu : Pages personnelles |