Come li tchant "lîbèrtè" | ||
|
Paut' sins moti Veûy vêlà d'zos l' solia Lès longs brès d'on sbara, Timps qu' l'èfant prind tès mayes O ridant do l' vîye drèsse, Sins pani, Laî lès fouyes, lès rodjes come lès djanes, Èt lès gayes Po lès djeûs dès mayanes. | ||
|
Paut' riwaîti Li bruwène èt sès spièles Su lès brèles, Su lès biokes, Li mauvi qu' è-st-à-djok Su l' rôlia dins lès broûs, Sins taurdji Avou t' coeûr come one nasse Qu'on tapereûve tot-autoû Èt dès grins dins tès mwins Po l'iviêr dès-agaces. | ||
|
N'eûye nin sogne do murwè : Ayi, paut' Come li tchant "lîbèrtè" Su lès lèpes da Ferré. Lès-eûres, lès djoûs, lès nêts : Ç' èst tot da twè ! | ||
| © Georges Puissant. janvié 1981 | ||
|
Retour au menu : Textes wallons Retour au menu : Pages personnelles |