Mèrci, Haddock ! | ||
|
Dji n' compte pus mès voyadjes po dès novias payis, Po lès-îles do solia Où les fèyes èt les feumes dins dès cotes à coleûr Zûnenut su l' sauvlon Saqwants mots d'one tchanson Doûce èt tinre come leûs coeûrs, Lès-oradjes à gangni Su lès-êwes di Bahia Blanca, À-z-î piède totes mès fwaces Rin qu' po t'chinde dins l' grande basse L'anke, come one note d'acôrdèyon Ètur mile djanes pèchons. | ||
|
Dji n' compte pus mès voyadjes po dès novias payis, Po Loanda Èt lès rîres dès-èfants Nos-apwartant Dès brèssîyes d'orchidéyes Èt d'atirantes chambaréyes, Lès pîces d'ôr èt lès pièles dins dès cofes di marins, Lès panis d' némoscaude su lès pîres dès martchis, Ni lès-aubes aus racènes à mougni come do pwin, Ni lès pupes dès nèyis. | ||
|
Dji n' compte pus mès voyadjes po dès novias payis Mi qui v'leûve tant paurti Èt qui strîle mès ramadjes "à babôrd èt tribôrd" Dissu one bole di cârton, "mile sabôrds". | ||
| © Georges Puissant. mârs 1983 | ||
|
Retour au menu : Textes wallons Retour au menu : Pages personnelles |