Bèle afiche | ||
ISu on meur audjoûrdu One djon.ne feume mi sorît, Dj'è su come tot strindu Dins mès moussûres d'ovrî | ||
|
Dins mès rêves audjoûrdu Sès lèpes sont totes rodjîyes, Èt mi si forbatu D' lès-awè rabrèssi | ||
IIMins vola qu'audjoûrdu Li djon.ne feume si disbîye Èt mosture si cwârps nu À mès mwins plin.nes d'invîye | ||
|
Dins mès rêves audjoûrdu Djè l'a tant carèssi Qu' sès fins moussemints tchaîyenut, Bias pètales à mès pîds | ||
IIISu lès meurs audjoûrdu Lès-afiches sont djanîyes Mins portant dj'a vèyu Qui l' djone.ne feume èst coûtchîye | ||
|
Ci nêt-ci mi-y-amoûr nos sèrans fins pièrdus Co pus lon qui l' baurîre dès solias èdwârmus. Avou dès mots qu' lès djins n' dîjenut nin Nos scrîrans noste istwêre Dissu one novèle têre Pus lon qui cint lond'mwins | ||
| © Georges Puissant. 1983 | ||
|
Retour au menu : Textes wallons Retour au menu : Pages personnelles |