Bon timps | ||
|
On cwin d' ciél si dischure dizos lès côps d' cisète do l' tchanson d'one agace qui s' balance dins lès couches d'on pwârî. Li solia passe on brès èt pwis l'ôte dins l' cwachûre. À grands rascrèpadjes il èface li rèléye su lès près èt l' maurladje su lès twèts. Come i n' l'a nin vèyu, i cotape noste agace co pus fwârt qui l' nwâre bîje. Mins là qu' i chone bin binauje : i monte d'on randon ! Qu'a-t-i vèyu ou bin oyu ? | ||
|
Maugrè l' frèd qui rinture didins m' cwârps à tot p'tits côps d' coutia, dji d'meûre astampè ètur lès batants do l' finièsse. On-ètind trwès quate côps di maquète qui rôlenut dissu one laudje platène, direûve-t-on. Sâcrè godome ! Li gotêre vint d' tapè dins l' tonias saqwants lârmes po l'iviêr qu'èva. | ||
| © Georges Puissant. mârs 1985 | ||
|
Retour au menu : Textes wallons Retour au menu : Pages personnelles |