Prîj'nî | ||
|
Faut-i vos dîre mèrci Ou bin d'mandè pârdon Quand tron.ne li vî claîron Èt qu' s'abachenut saqwants drapias Dissu l' vacha ? | ||
|
Faut-i vos dîre mèrci Po l'amistè Ètur vos-ôtes, di tote one vîye, Quand vos quitoz vosse twèt Pwârtè dissu dès spales moudrîyes ? | ||
|
Faut-i vos dîre mèrci D'awè aurdè coradje Lon d' vosse viladje, Quand on s'arète d'vant l' monumint Come po sayi d' vos rastinu On p'tit momint ? | ||
|
Ou bin faut-i d'mandè pârdon Do n' nin v'lu ièsse sôdârs, Do ièsse div'nu dès "pacifisses" Pace qu'on n' vout pus fè couru l' song, Quand c'èst por vos qu'on sone à mwârt Vos qu'a soufri por nos J'qu'à l'ârmistisse ? | ||
| © Georges Puissant. octôbe 1987 | ||
|
Retour au menu : Textes wallons Retour au menu : Pages personnelles |