Come one wague su do sauv'lon | ||
|
Lès pas, Lès pas pa-d'zos l' finièsse, Come one musike di fièsse, C'è-st-on-èfant Qui djoûwe, binauje, Dissu l' pavéye. | ||
|
Lès pas, Lès pas didins l' maujone, Come on-oradje qui tone, C'è-st-on-èfant Qui vore, Qui vore dins lès montéyes. | ||
|
Lès pas, Lès pas dissu l' tapis, Come one pitite soris, C'è-st-on-èfant Qui braît Come solèvè par one trop fwate maréye. | ||
|
Li tchant, Li tchant pa-d'zos l' finièsse, Come one musike di fièsse, C'è-st-on èfant qui vout rovyi, C'èst come one wague su do sauv'lon, Ça rapaujit, Ça done invîye d'alè pus lon. | ||
| © Georges Puissant. sètimbe 1989 | ||
|
Retour au menu : Textes wallons Retour au menu : Pages personnelles |