Mi-y-èfance | ||
|
Po Barbara | ||
|
Come one grande bièsse, Dj' aleûve clôre li finièsse Dissu nosse vî pachi, Dissu l' viladje Èt vos visadjes. 'nn'alè sins dîre mèrci, Mièrseû, sins one con'chance, Sins one sovenance ! | ||
|
Èt dji t'a rescontrè ... Ti m'as dit mi p'tit nom Èt d'mandè ci Èt causè d' ça. Â ! l' djôye qui t'as ! Èt m' rabrèssi Quausu m' fè braîre po d' bon Dissu l' pavéye. Bin twè ! | ||
|
Èt ça m' rispite dins m' coeûr : Li grossès vwès da m' pârin, Lès dicauces èt lès bals, Li tèyâte è walon Èt lès mots d' nos scrîjeûs, Come lès sint-bon Do botique do cwèfeû, Li frût d' tès lèpes Èt min.me lès vèpes ! Dès lârmes rôlenut su mès massales, Djè l' sé bin poqwè qu' dji r'vin. Ayi, djè l' sé bin asteûre : Pa-d'zos l' poûssêre di mès voyadjes, C' è-st-après vos qui dj' catche. | ||
| © Georges Puissant. mârs 1994 | ||
|
Retour au menu : Textes wallons Retour au menu : Pages personnelles |