Saligot | ||
|
On djoû d'èstè come on gout d' pron.ne, Moûse qui alcote conte li pèrèt, Cri d'on sauvadje canârd dins lès cladjots Èt l' vî pont d' Houx qui tron.ne. Dès djeus d'èfants dins l'aîwe èt ... "saligot" Qui tchaît ètur vos trwès. | ||
|
Ayi, vos p'loz fè l' disgostè, Mi r'waîti d' crèsse, R'ssatchi vosse nèz, Dj' èsteûve portant à l' fièsse Quand ç' bia mot la a potchi foû Dès cindréyes di mès djoûs. | ||
|
Come one grosse bole di savonéye Qui s' va pètè dissu l' pavéye, Avou ci gros mot la Dj' a douviè laudje li pus bia dès ridants : Vo-m'-la div'nu pus ritche qui d'vant Min.me si m' paletot n'èst nin trop bia. | ||
|
Maugrè d' pus d' vint' anéyes À couru lon do l' maujonéye, Maugrè l' francès, min.me li flamind, Ci gros mot la, c'èst come do pwin, Ça m'a nouri, mi, "li p'tit blanc" Èt ça chone bon à mès-èfants. | ||
| © Georges Puissant. sètimbe 1995 èt décimbe 2007 | ||
|
Retour au menu : Textes wallons Retour au menu : Pages personnelles |