Li vîye tchapèle | ||
|
Passè li tch'min d' fiêr, drî l' viladje, Qué bia mèssadje Su li p'tite vôye : Awè r'bâti li vîye tchapèle Come ça, po rin, po l' djôye ! | ||
|
S'on l' p'leûve lèyi insi Sins-uch, po-z-î moussi Avou sès pwin.nes À mète è cwète Quand on s' pormwin.ne, | ||
|
S'on s'î p'leûve insi racwèti Èt saye d'î rabrèssi, Quand l' pleuve èst là dissu nos spales, Li djon.ne bauchèle qui done si mwin O mwès d'avri, après l' djeu d' bale, | ||
|
S'on-z-î p'leûve donè l' tète Èt s'î achîde one miète L' long do richot rimpli d' crusson, Èt qu' lès-èfants ont télemint swè Qu'i-gn-a pus d'aîwe didins l' bidon, | ||
|
S'on p'leûve rintrè avou s' pani Èt sès sabots, come è s' corti, Èt one brèssîye di rodjes pawès Po s' man da Li, Li qu' èst su l' crwès, li cwârps tot cotrawè, | ||
|
S'on s'î p'leûve sinte come è s' maujone Ci sèreûve çà li paradis, Por mi. | ||
| © Georges Puissant. fèvri 1996 èt décimbe 2007 | ||
|
Retour au menu : Textes wallons Retour au menu : Pages personnelles |