Texte 69 : Man

	Man
	Po fè s' dêrin voyadje Avou sès blancs tch'fias, tènes Come do l' bruwène, Li pus bia dès visadjes Nos-a lèyi Tot, tot d'sseûlès Avou l' coeûr di truviès. Sés' bin, man, qui, véci, Tot l' monde a pris s' mokwè Èt qu'on n' si saît rawè ?
	Sés' bin, man, qui, vélà, Ci n'èst nin fièsse Po l' maujone aus blankès finièsses ? Come po nosse pa, Li cèréjî a braît Didins l' pachi. Su lès cindréyes do vî poli C'èst l' câlme qui tchaît Pace qu'on n' vos-ètind pus Ram'chi, là pa-d'zos l'abatu.
	Èt dins lès tchambes là-wôt, Si l' vint cotape co lès ridaus, Dins vosse bèle place Li taque a rafrèdi, Come li cafeu qu' a tant r'bolu. Èt mi, dji son.ne di vos-awè pièrdu, Tayi, One aube sins s'cwace.

	© Georges Puissant. 1997