Lès pomes | ||
À Jean Guillaume | ||
|
Lès pomes, on lès sint co. Stampè su l' vî plantchi, Dji sère mès-ouys : Odeûrs di frûts dissu l' rimouye Di vosse pachi. Portant, ça faît dès-ans Qu'èle ni vint pus, véci, nosse man, Po-z-î staurè lès grands panis, Savoz. | ||
|
Pa-d'zo li bârdakène C'èst come si dj' lès-î vèyeûve co : Sov'nances d'autone su dès gazètes. Dji tron.ne one miète... Waî, dès fotos ! Sèreut ç' l'ignéye qu'implit l' gurnî Ou ça su lès papîs Qui m' va fè tchaîr à gngnos ? Li djôye d'adon m'a div'nu spène... | ||
|
Asteûre, dj'a pris racène Fwârt lon di d'là, one têre di tiènes Èt d'ivièr qu'adeurit lès-omes, Blètit lès pomes. | ||
| © Georges Puissant. décimbe 2008 | ||
|
Retour au menu : Textes wallons Retour au menu : Pages personnelles |